Nakagawas na sa Cedars-Sinai Medical Center ang anak ni National Basketball Association (NBA) superstar LeBron James nga si Bronny James ning Biyernes, Hulyo 28, 2023 (PH time), tulo ka mga adlaw human kini giataki sa kasingkasing.
Pinaagi sa social media, ang lider sa Los Angeles Lakers nagpasalamat sa mga pag-ampo sa kaluwasan sa iyang kinamaguwangan nga anak.
“I want to thank the countless people sending my family love and prayers,” mensahe ni James.
“We feel you and I’m so grateful. Everyone doing great. We have our family together, safe and healthy, and we feel your love.“ (AP)