MIPASAKA og kaso ang usa ka kompanya sa Nigeria batok kang boxing legend Floyd Mayweather Jr. gumikan sa wala pagtuman niini sa ilang gikasabutan. Ang Zinni Media nakigsabot kang Mayweather aron personal kining motunga sa lima ka mga kalihukan sa Negeria ug Ghana niadtong 2017 sa kantidad nga $375,000. Matod sa Zinni Media nga aduna sila’y video kang Mayweather nga miuyon niini ug gani, nahatag na sila og pasiunang bayad sa kantidad nga $210,000. (ESL)
Batang Gilas nakakombati apan pilde
NING higayuna, nakahatag na og saktong kombati ang Batang Gilas apan napilde lang gihapon kini batok sa Argentina, 74-71, sa FIBA Under-17 World Cup sa Newell’s Old Boys sa Rosario City kagahapon. Kini maoy ikatulong sunodsunod nga kapildihan sa Batang Gilas sa samang gidaghanon sa mga duwa sa group stage. Hinuon bisan pa niini, nakasulod lang gihapon ang Batang Gilas sa round of 16. Sa sunod nga tahas sa batang Gilas, ilang ikasangka ang wa’y pilden Canada. (ESL)