Mopahigayon og matag semana nga praktis ang Gilas Pilipinas sugod karong umaabot nga Lunes, Septiyembre 19, 2022, isip tipik sa ilang pagpangandam sa November window sa FIBA World Cup Asian Qualifiers.
Mao kini ang gibutyag ni national coach Chot Reyes atol sa Senate Committee on Sports hearing niadtong Lunes, Septiyembre 12, 2022.
“We will will start our Mondays only practice next Monday, at least once a week. ‘Pag malapit na po ang window sa November, dadalas na po ‘yan,” batbat ni Reyes nga napatik sa www.abs-cbnnews.com.
Ang fifth window sa FIBA World Cup Asian Qualifiers ipahigayon karong Nobiyembre 10-13, 2022.
Ning maong kompetisyon, ang Gilas Pilipinas mosulong sa balwarte sa Jordan ug hasta sa Saudi Arabia.
Ang mga sakop sa Gilas nga nagduwa sa Japan B. League mangabot usa ka semana sa dili pa ang kompetisyon, batbat ni Reyes.
“We have been given assurance that lahat ng players na pipiliin namin for the fifth and sixth windows will be allowed to play,” matod ni Reyes.
“Ang importante po kasi hindi lang availability but also the practice time, preparation time. ‘Yun ang pinaka-importante ngayon.”
Si Philippine Basketball Association (PBA) commissioner Willie Marcial nagkanayon nga bisan magpadayon ang ilang Commissioner’s Cup ning mga petsaha, mohatag gihapon sila og suporta sa Gilas.
“Bibigyan po namin sila ng at least three teams na pwede pagpilian para matuloy ang November window. Pero tuloy-tuloy pa rin po ang PBA para sa November window,” pasabot ni Marcial.
“Tatlong teams lang po, napag-usapan po namin ni Coach Chot, kasi kung titigil pa ulit kami after two weeks, baka matanggal na po ako sa pagka-commissioner.”
Apan sa mismong FIBA World Cup sa sunod tuig diin co-host ang Pilipinas kauban ang Japan ug Indonesia, gitataw ni Marcial nga kinatibuk-ang suporta na ang ilang ihatag sa Gilas.
All out support po kami sa Gilas. Lahat po ng players, kung sino po gustong players, coaches, kahit po ball boys, staff, ibibigay po ng PBA kung kailangan nila,” dugang ni Marcial.