Natay-og ang garbo ni Alvarez

Giangkon ni Mexican boxing superstar Saul “Canelo” Alvarez nga natay-og ang iyang garbo human sa iyang unanimous decision nga kapildihan batok kang Russian Dmitry Bivol sa ilang World Boxing Association (WBA) light heavyweight title fight niadtong Mayo 8, 2022 (RP time) sa Las Vegas, USA.

Kini maoy hinungdan nga nagpanikad si Alvarez nga makig-away og balik kang Bivol.

Giangkon ni Alvarez nga lisod kontrahon si Bivol hilabi na kay misaka siya og timbang aron lang madayon ang ilang away.

“Yes, we want it. We want a rematch and we are going to do much better in the rematch. You have to give credit to Bivol. He is a very difficult fighter to hit around the head area. You have to give him credit,” matod ni Alvarez nga napatik sa www.boxingscene.com.

“Pride keeps me going, that motivation to want to continue fighting is what spurs me on. Nobody wants to see fights where people know who is going to win. It is about those 50-50 fights, that is what people want to see.”

Si Alvarez, kinsa usa ka undisputed middleweight world champion ug pound-for-pound superstar, nakadesisyon nga mosaka og timbang gumikan kay sa iyang pagtuo wala na’y makaparang kaniya og sakto sa iyang timbang.

Naggunit si Alvarez og 57-2-2, 39KOs nga rekord samtang si Bivol adunay 20-0, 11KOs. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph