Dili pa igo alang sa Denver Nuggets ang pag-abot sa Western Conference finals aron irespeto sa fans ug kaatbang nila nga mga NBA team.
Gumikan niini, ang Nuggets ni head coach Mike Malone nagpunterya sa NBA championship nga iyang gihulagway nga bugtong hinagiban alang sa ilang gipangita.
“There’s one thing we haven’t done. Until we win a championship, people are going to keep saying (negative things) about us,” matod ni Malone.
Ang mga negatibong komentaryo batok sa top seed nga Nuggets maoy gihimo nga inspirasyon sa ilang team.
“So that’s what drives us, winning a championship. Getting to the Western Conference finals doesn’t do it. Getting to the Finals doesn’t do it...It’s winning a championship,” dugang ni Malone.
Ang Nuggets ni Nikola Jokic ug Jammal Murray maghuwat sa pagpanulong sa Los Angeles Lakers nila ni LeBron James ug Anthony Davis sa Denver Miyerkules, Mayo 17, 2023 (RP time).
Dili malalis nga inilog ang Lakers sa maong engkwentro gumikan sa ilang kasinatian ug sa liderato ni James apan dili kini igsapayan ni Malone.
“You can sit there and fight it and complain, or you can embrace who we are and what we have .I’d rather not waste time with all the pundits who count us out or don’t give us the respect that we deserve as a team,” dugang sa coach.
Si Murray nagkanayon nga kon sila pulos mga healthy, kahibawo sila kon unsay ilang mabuhat. “When we’re healthy, we know what we can do.We just need everyone on the court. We’ve always had the potential,” paghulagway ni Murray.
Ang Nuggets maoy nipawong sa Phoenix Suns ni Kevin Durant ug Devin Booker sa game 6, 125-100, aron iposte ang kadaugan.
Si Jokic nikulit sa iyang triple double nga gibituonan sa iyang 32 puntos samtang niabag si Murray og 26 puntos aron mobalik sa conference finals nga maoy ikaduha nila gikan niadtong 2020. (PAC)