Sa wala damha, nabutlogan ang Pinoyng bilyarista nga si Dennis Orcollo batok kang German Joshua Filler, 7-0, sa ilang quarter-final game niadtong Dominggo, Mayo 8, 2022 (RP time) sa World Pool Masters sa Gibraltar, United Kingdom.
Ning sangkaa, hapit wala nakatira si Orcollo gumikan kay kanunay lang hutdon ni Filler ang bola.
Sa pipila ka higayon nga nakatira si Orcollo, nakamugna siya og foul ug safety error nga gipahimuslan ni Filler, kinsa milahos sa paglabni sa kampyunato sa torneyo.
Sa iyang pagsulod sa quarter-final, si Orcollo nakabulsa og US$3,750 (around P195,000). / ESL