Mokabat ngadto sa P500,000 nga ganting salapi ang mabulsa sa mananaog sa 4-cock derby nga ipahigayon karong Biyernes, Marso 10, 2023, sa Gallera de Mandaue.
Kini maoy gipahibawo sa promoter nga si Abio Monsanto.
Mga derbiyesta nga nagagikan sa kasilinganang mga dapit ang gipaabot nga mosalmot sa nahisgutang derby nga sugdan sa alas 8:00 sa gabii ug adunay pot money nga P5,500.
Magsugod sa pagpanawat sa timbang sa Marso 8 sa alas 8:00 sa buntag hangtod sa alas 7:00 sa gabii.
Ang dawaton nga entries kadtong adunay 1800 kgs. hangtod 2400 kgs. nga gibug-aton.
Si Monsanto nibutyag nga istrikto niyang ipasunod ang mga regulasyon sa maong derby ilabi na ang pagsugod niini. (JBM)