Gihulagway sa inilang boxing promoter Bob Arum si Manny Pacquiao nga susama ni Muhammad Ali tungod sa nahimo niini sulod ug gawas sa boxing ring.
Ang pagpadayag ni Arum iyang gihimo pipila ka adlaw human si Pacquiao mianunsiyo sa iyang pagretiro sayo ning semanaha.
Alang sa kanhi promoter ni Pacquiao, nga walay laing boksidor nga susama og nahimo ni Ali gawas lang sa Filipino boxing legend.
“When you get somebody like Manny Pacquiao, as great a fighter as he was, you don’t focus on (his boxing). The focus is on his other attributes,” matod ni Arum ngadto ni Dan Rafael sa World Boxing News’. “What a wonderful, caring human being he is. It’s almost like (Muhammad) Ali. When people talk to me about Ali, they talk about his speed, and this and that, and I really begin to tune them out.
“For me, Ali means so much more. Same thing with Pacquiao. I don’t want to demean what he accomplished in the ring because it was great, but for me, that’s already faded away,” dugang sa beteranong Arum.
Alang ni Arum nga ang iyang pinaka paboritong away ni Pacquiao mao ang pagpakigsangka niini batok ni Oscar De La Hoya ug Miguel Cotto.
Kon kahinumdoman gipukan ni Pacquiao si De La Hoya pinaagi sa pagpaundang sa nauwahi niadtong 2008 ug ingon man ang technical knockout nga kadaugan batok ni Cotto niadtong 2009.
Kining maong duha ka away maoy kabahin sa 15 ka sunodsunod nga kadaugan nga naani ni Pacquiao gikan sa Septiyembre 2005 hangtod sa iyang pagkapildi ni Timothy Bradley sa Hunyo 2012.
Human sa kontrobersiyal nga kapildihan ni Pacquiao sa mga kamot ni Jeff Horn sa Hulyo 2017, si Arum ug ang fighting senator nagkabuwag.
Pero giangkon sa 89-anyos nga Arum nga bisan tuod og dili na sila partner sa boxing, apan nagpabilin ang ilang panagsuod isip higala.
“We went our separate ways because after the Horn fight, I really didn’t think he should fight anymore,” pasabot ni Arum. “I wasn’t as enthused about promoting him as I had been before. And then certainly, because of the reaction of the public, I wasn’t up to guaranteeing him the same money I had previously.”
Si Arum maoy usa lang sa daghang mipasalamat ni Pacquiao sa dihang mipahibawo kini sa iyang paretiro, usa ka buwan human mapildi ni Cuban Olympic boxer Yordenis Ugas sa super WBA welterweight title fight.
“I want to recognize my former promoter Bob Arum and his team at Top Rank promotion for negotiating and staging most of my biggest fights and successful events in my career. Thank you,” lakbit sa 42-anyos nga Pacquiao. (JBM)