MITINGOG na ang Pambansang Kamao sa Pilipinas nga si Manny Pacquiao kabahin sa mga hugonhugon nga posibleng mauswag o makanselar gyud ang ilang away ni Lucas Matthysse karong Mayo 15 sa Kuala Lumpur, Malaysia.
“As far as I am concerned, everything is fine. Lucas Matthysse and I are getting ready to give the fans their money’s worth and July 15 will be huge for boxing in Malaysia,” matod ni Pacquiao nga napatik sa www.philboxing.com.
Ang kanhi promoter ni Pacquiao nga si Bob Arum maoy mismong miingon nga nabalaka siyang dili madayon ang away gumikan kay wala gihapon ningbuhi sa gikinahanglang pundo ang mga nagpasiugda sa Malaysia hangtod ning mga gutloa.
Ning awaya, ang MP Promotions, nga gipanag-iya ni Pacquiao, nakigtambayayong sa Golden Boy Promotions nga gipanag-iya ni boxing legend Oscar De La Hoya. (ESL)