Paragua gilupig ni Antonio sa sangka sa GMs

GILUPIG ni Grandmaster (GM) Rogelio Antonio Jr. si GM Mark Paragua alang sa titulo sa unang Hero at Home: Chess for a Cause Online Arena Tournament niadtong Septiyembre 13, 2020.

Gihuman ni Antonio ang maong torneyo nga adunay 78 puntos ug milabaw lang og upat ka mga puntos sa dekalibre pud nga manunuwa nga si Paragua sa open division.

Ang duha ka mga GM mipamatuod sa ilang abilidad pinaagi sa pagdominar sa torneyo nga gi-organisar sa Toledo City Chess Miners (TCCM) isip usa ka fund-raising event alang sa ilang mga miyembro nga nawagtangan og trabaho tungod sa epekto sa pandemiya.

Si Bob Liwagon maoy nikuha sa ikatulong dapit nga adunay 48 puntos, gisundan kini nila Francis Glen Panes ug Sherwin Tiu nga anaay 44 ug 42 puntos.

Daan nang miingon si Fide arbiter (FA) ug usa sa organizers nga si Felix Poloyapoy nga ang makita sa maong torneyo ilang ihatag sa membro sa TCCM nga na jobless tungod sa coronavirus disease (Covid-19).

Dugang niya nga aduna pud silay miyembro nga nasakit ug ila kining tabangan.

Sobra sa P6,000 nga cash prizes ang gihatag sa tanang mga mananaog. Human siya mapakyas sa pagdaog sa open division, namawi dayon si Roullo sa TCCM division pinaagi sa pag-iskor og 39 puntos aron ibulsa ang unang luna.

Si Clyde Labrador (30), Zeux Paolo Cuizon (29), Jerald Villarin ug Arje Villarin (26) maoy mikompleto sa Top 5.

Si Jinky Catulay (12 pts) maoy nahimong hara sa Ladies division samtang ang abogada nga si Jeah Jean Gacang (10 pts) mikuha sa ikaduhang puwesto. (RSC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph