Pasidungog sa legends

Pasidungog sa legends

Nasulod na sa Naismith Memorial Basketball Hall of Fame ang National Basketball Association (NBA) icons nga sila Pau Gasol, Dwyane Wade, Dirk Nowitzki, Tony Parker ug Gregg Popovich human sa enshrinement didto sa Springfield, Massachusetts, USA kagahapon.

Ang sikat nga mga basketbolista ug legendary coach lakip sa 12 ka mga miyembro sa Hall of Fame Class of 2023 nga adunay unom ka current o former coaches, lima ka former NBA ug WNBA players ug usa ka iconic team.

Atol sa iyang speech, ang two-time champion nga si Gasol nagpasalamat kay anhing Kobe Bryant, ang iyang teammate sa Los Angeles Lakers di­in midaog sila og duha ka kampiyonato sa tuig 2009 ug 2010.

“I wouldn’t be here without you, brother,” matod pa ni Ga­sol sa iyang basketball partner nga namatay tungod sa helicopter crash niadtong 2020. “I wish more than anything that you and Gigi were here today with us. I miss you and love you.”

Si Gasol nga lumad taga Espanya nasulod sa NBA niadtong 2001 nakaduwa kini sa Memphis Grizzlies, Lakers, Chicago Bulls, San Antonio Spurs ug Milwaukee Bucks.

Samtang si Nowitzki, kinsa miduwa sa iyang tibuok 21 ka tuig sa liga ubos lang sa usa ka team nga Dallas Mavericks, nagpasalamat sa tanan tawo nga nakatabang sa iyang journey.

Ang 2007 NBA MVP ug 14-time All-Star maoy nangulo sa 2011 Dallas Mavericks team diin ilang gipatiyabaw sa NBA Finals ang mas inilog nga Miami Heat nga adunay Lebron James, Wade ug Chris Bosh sa lineup.

“I just want to say thank you my closest people,” matod ni Nowitzki. “I just want to make sure the people who were with me on this journey get their flowers and then I can ride off into the sunset.”

Ang four-time NBA cham­pion nga si Parker midumdom sa kagahapon kadtong wa siya saligi tungod kay gamay daw siya para sa basketball.

“When I was in France, they would say, ‘You’re too small. You’re too skinny. You’ll never make it.’ Well, I’m the one who is laughing now,” saysay ni Parker.

Si Parker usa sa mga superstar sa Spurs ubos ni Popovich sa tuig 2001 ngadto 2018.

Ang three-time NBA champion nga si Wade nagtuo nga ang tanan nga iyang nakab-ot bunga sa iyang kakugi.

“I believed in hard work, putting my head down, keeping my ears open and just going to work,” matod ni Wade. “I had a dream and I didn’t want nothing to get in the way of my dream. I made sure I put the work in and had every opportunity to be as great as I can be,” saysay niini.

Midugang sa powerhouse class mao ang head coach sa San Antonio Spurs nga si Po­povich, usa ka Olympic gold medal-wining coach, three-time NBA Coach of the Year ug five-time NBA champion.

Ang mikompleto sa Class of 2023 mao sila coach Gene Bess, coach Gary Blair, WNBA player Becky Hammon, coach David Hixon, coach Gene Keady, coach Jim Valvano ug ang 1976 U.S Women’s Olympic Basketball team. (RSC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph