PBA mopahigayon og mga duwa sa Hong Kong

PBA mopahigayon og mga duwa sa Hong Kong

Nagplano ang Philippine Basketball Association (PBA) nga mopahigayon og ubay-ubay nga mga duwa sa Hong Kong sa umaabot nga Commissioner’s Cup sa bag-ong season.

Himuon kini sa PBA gumikan sa pagsalmot og balik sa East Asia Super League (EASL) ballclub Bay Area Dragons, nga nagbasi na karon sa kanhi British colony.

Ang Dragons nagbasi kaniadto sa Manila dihang ningsalmot kini sa Commissioner’s Cup sa miaging season diin sulod sab sa tunga sa tuig kining nagpuyo sa Shangri-La The Fort.

“May pinag-uusapan na baka maglaro sa Hong Kong. At least three games sa Hong Kong. Pinag-usapan namin ni Mr. Matt Beyer,” matod ni PBA commissioner Willie Marcial nga napatik sa Spin.ph.

Si Beyer, kinsa co-founder ug CEO sa EASL, usa ka executive sa Dragons.

Hinuon gitataw ni Marcial nga wala pa na-finalize ang ilang plano.

“Pero 80 percent na maglalaro sa Hongkong,” pasabot ni Marcial.

Sa ilang pagsalmot sa miaging season, ang Dragons nakasulod sa finals apan napilde sila sa Brgy. Ginebra Gin Kings sa deciding Game 7, 114-99.

Ang maong duwa ningrehistro og rekord nga 54,589 ka mga tumatan-aw sa Philippine Arena sa Bocaue, Bulacan. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph