Mga duwa karon:
3:00 pm- TNT
batok Converge
5:45 pm- NLEX batok
Ginebra
Wala'y palta si CJ Perez sa training sa Gilas Pilipinas apan bisan pa niini, wala'y paglubad ang iyang kontribyusyon sa San Miguel Beermen sa Philippine Basketball Association (PBA) Governor's Cup.
Dako ang natampo ni Perez sa maayong pagsugod sa Beermen sa season-ending conference. Aduna'y 4-0 nga rekord ang Beermen sa kasamtangan.
Sa niaging semana, ang 6'2' gunner nirehistro og averages nga 17 puntos, 7.7 rebounds, ug 4.7 assists sulod sa tulo ka mga duwa hinungdan nga siya maoy napili nga bag-ong PBA Press Corps Player of the Week awardee.
Sa kadaugan sa Beermen batok sa Blackwater Bossing, 105-86, nimuga si Perez og 14 puntos.
Gisundan kini niya og 20 puntos sa kadaugan sa Beermen batok sa Terrafirma Dyip, 122-102.
Sa makutas nga kadaugan sa Beermen batok sa Magnolia Chicken Timplados, 100-98, nitali og 17 puntos si Perez. (ESL)