GIOPERAHAN sa utok ang usa ka Pinoyng boksidor human kini nakuyapan atol sa away niini sa Japan niadtong Marso 31 ug kasamtangan kining nagpaalim.
Si Renerio Arizala napilde pinaagi sa 6th round TKO batok kang Japanese boxer Tsuyoshi Tameda.
Sa interbyu sa programang 24 Oras sa GMA 7, ang trainer ni Arizala nga si Jonathan Peñalosa nagkanayon nga nakabantay siyang gusto nang mosurender ang iyang boksidor.
Gipaubos dayon sa operasyon si Arizala aron mapugngan ang pagkaporma sa blood clots.
Gipasalig sa Games And Amusement Board (GAB) nga padayon nilang susihon ang kahimtang ni Arizala. (ESL)