Malaumon si Philippine Olympic Committee (POC) president Abraham Tolentino nga adunay dugang mga atleta ang Team Philippines nga maka-qualify alang sa 2024 Paris Olympics.
Sa kasamtangan, upat na ang naka-qualify nga mga atletang Pinoy sa matag upat ka mga tuig nga kompetisyon.
Sa panahom ni Tolentino, malabwan sa Pilipinas ang 19 ka mga atleta niining naka-qualify sa miaging 2020 Tokyo Olympics diin nakuha ni weightlifter Hidilyn Diaz ang makasaysayon ug labing unang Olympic gold sa nasod.
“Kulang pa ‘yan. Dati 19 tayo. Marami pa yan. Hopefully lumagpas pa ng 20,” matod ni Tolentino nga napatik Spin.ph.
Ang mga mga Pinoy nga aduna na’y mga tiket sa Paris Games mao sila si world No. 2 pole vaulter EJ Obiena, boxer Eumir Marcial ug ang gymnasts nga sila si Carlos Yulo ug Aleah Finnegan.