MOTAPON na ngadto sa gym sa Barangay Pusok, Dakbayan sa Lapu-Lapu ang tinuig nga Powerplay Basketball clinic sugod karong Abril 1, 2020.
Kini maoy gipahibawo ni Larry Villanil, ang kanhi sakop sa Barangay Ginebra sa PBA, kinsa maoy nagsilbing training director.
Ang session ipahigayon matag alas 8:00 ngadto sa alas 10:00 sa buntag.
Gawas sa Pusok, laing Powerplay session ang moabli usab sa Barangay Agus gym sa mao gihapong siyudad.
Kini sugdan sa Abril 6, 2020 sa ala 1:00 ngadto sa alas 3:00 sa hapon.
Gipadayag ni Villanil nga alang kini sa dugang kasayon sa mga regular nga partisipante, ilabi na kadtong mga bata nga Oponganon nga interesado ug gustong magpahanas sa ilang abilidad sa basketball nga mahimong magpakisayod sa numero 0923-565-6206. (PR)