NAPUTOL ang sunodsunod nga 25 puntos pataas ni Washington Wizards star Bradley Beal human siya gitinuod og depensa sa mga sakop ni coach Erik Spoelstra sa Miami Heat.
Si Beal igo lang nihipos og 7 puntos atol sa ilang duwa diin gilubong sa Miami nga buhi ang Wizards, 122-95.
Ang star sa Wizards adunay 17 ka sagunson nga duwa diin siya ni-iskor og 25 pataas sa wala pa niya makontra ang Heat ug si Beal nag-average og 34.8 puntos sa 2020-2021 season.
Si Beal maoy nag-inusarang active player nga nakahimo sa maong record ug iyang nalabwan si Michael Jordan niadtong 1988-1989 kinsa nikulit og 16.
Siya maoy ika-4 nga adunay labing daghan nga 25+ points human nilang Elgin Baylor, Rick Barry ug Wilt Chamberlain.
Ang record ni Chamberlain niadtong 1961-1962 season nga 50.4 points ug 25.7 rebounds ug ang 100 point game maoy gitan-aw dili na mabuak bisan pa sa paglabay sa usa ka siglo. (PAC)