Gibutyag ni Ian Sangalang nga gilaay na siya hinungdan nga nakadesisyon siyang moduwa na pagbalik sa Magnolia Hotshots bisan dili pa unta siya angay nga mobalik pagduwa.
Nagkanayon si Sangalang nga personal siyang nihangyo ni coach Chito Victolero nga moduwa siya sa Philippine Basketball Association (PBA) on Tour batok sa Ginebra Gin Kings niadtong Hunyo 11, 2023.
Tuod man, gitugtan si Sangalang ni Victolero.
Igo lang nakatampo og upat ka mga puntos si Sangalang sa kadaugan sa Hotshots batok sa Gin Kings, 91-80.
“Desisyon ko naman kung kelan ako maglalaro. Naiinip lang ako,” matod ni Sangalang nga napatik sa Spin.ph.
“So I decided to tell coach, laro ako kahit five minutes, five minutes lang. Yung ma-feel ko lang yung court, mabalik ko lang yung rhythm ko, makapag up and down lang ako.”
Si Sangalang taodtaod na nga wala nakaduwa tungod kay na-diagnose kini og thyroid illness. (ESL)