Gisagonsunan sa Boston Celtics ang Philadelphia 76ers human sila gipilde sa game 1 aron iposte ang 2-1 nga bintaha 114-102 sa game 3 sa best-of-seven series sa Eastern Conference semifinals.
Si Jayson Tatum nipaarak og 27 puntos, si Jaylen Brown nihimo og 23 ug ang Boston Celtics nibaraw sa MVP coronation ni Joel Embiid, kinsa bag-ohay pang nibalik og duwa.
Ang 2023 MVP nga si Embiid adunay 30 puntos ug 13 ka rebounds sa iyang ikaduhang duwa gikan sa pagkapiang sa tuo nga tuhod.
Gihatagan sa Boston og gamay nga rason ang fans sa 76ers nga maglipay pag-usab.
Ang Sixers nidikit pinaagi sa 3-pointer ni De'Anthony Melton aron ibalik ang panon sa katawhan sa tibuok 20 segundos sa wala pa si Malcolm Brogdon nibawos og 3 aron hatagan ang Boston og 100-92 nga labaw.
Si Al Horford, kinsa majority sa iyang career sa Sixers, nipasulod sa iyang tira sa tres aron inaton sa pito ang labaw sa Celtics.
Ang Game Four karong Lunes gihapon sa Philadelphia diin ang 76ers mosuway og tabla sa series. (PAC, AP)