Gidominar sa mga Sugbuanon ang sprint race sa 5i50 Triathlon sa didto sa Bellevue Resort, Panglao, Bohol kagahapon.
Si national team member Andrew Kim Remolino ang nangulo sa mga Sugboanon pinaagi sa pagdaog sa Men’s Go for Gold Sunrise Sprint Race.
Ang Southeast Asian (SEA) Games medalist nga lumad sa Talisay City, Cebu nitapos 750-meter swim, 20K bike ug 5K run nga lumba sulod sa 1 ka oras, 5 minutos ug 5 segundos.
Samtang si Raven Faith Alcoseba, bronze medalist sa Vietnam SEA Games, maoy pinakauna nga mitapos sa women’s sprint pinaagi sa 1:13:27.
Ang maong event aduna puy lumba sa 5150 distance nga adunay 1.5K swim, 40K bike ug 10K run.
Dul-an sa 600 ka indibidwal ang ningsalmot sa Bohol 5i50 Triathlon.