NANGAYO og pasaylo ang guard sa Denver Nuggets nga si Isaiah Thomas niadtong Sabado kalabot sa video nga iyang na-post sa social media diin iyang gitawag ang Cleveland nga “s***hole.”
Dali kini nga gibakwi ni Thomas ug sa Twitter iyang gidugangan ang video sa Instragram nga nagkanayo “Cleveland wasn’t that bad... The situation just wasn’t the best.”
“I apologize for my choice of words about Cleveland,” pasabot ni Thomas. “I was on my live playing around. They don’t show you everything for a reason smh. Right after that I clarified what I said.... All love to everybody who had love for me in Cleveland.”
Si Thomas, 29, ang gi-trade sa niaging off season ngadto sa Cavaliers nga naghatod kang Kyrie Irving ngadto sa Boston.
Apan wa dayon siya makaduwa tungod sa angol niini sa iyang hawak nga milungtad sa Enero 2 ning tuiga.
Niadtong Pebrero gi-trade na usab siya sa Cleveland ngadto sa Los Angles Lakers hangtod napupos ang iyang kontrata.
Sa niaging buwan, nakapirma siya og minimum contract nga usa ka tuig sa Nuggets.
Sa laing bahin, giklaro ni Dwyane Wade nga kon moduwa man gani siya karon nga season, kini walay laing kon dili sa Miami Heat. (JBM)