Nag-reunion ang mga sakop sa Toyoto Tamaraws aron saulogon ang ika-50 ka tuig nga anibersaryo sa malumposon nga basketball team franchise sa Alfresco Covered Lounge sa Makati City niadtong Sabado sa gabii.
Gipangulohan ni kanhi coach ug team manager Dante Silverio ang panagtapok sa players ug indibidwal nga lakip sa maong team nga naporma niadtong 1973 sa Manila Industrial and Commercial Athletic Association (MICAA).
Miyanog pagmaayo ang Toyota Tamaraws sa Philippine Basketball Association (PBA), ang unang propesyonal nga liga sa Asya.
Migawas ang Tamaraws sa PBA niadtong tuig 1983.
Lakip sa misalmot mao ang 4-time PBA Most Valuable Player ug 19-time PBA champion Ramon “El Presidente” Fernandez, unang PBA Rookie of the Year Gil Cortez, Rodolfo Segura, Emer Legaspi, Edward Camus, Oscar Rocha, Pol Herrera, Joseph Galonga, Uly Rodriguez, Arlene Rodriguez, Judge Concepcion ug Ed Cordero.
Ang legend nga si Robert Jaworksi, usa sa biggest name sa Toyota ballclub, mipadala og representante nga mao iyang anak nga si Pasig City Vice Mayor Robert Jaworski Jr.
Sila anhing Orly Bauzon ug Tino Reynoso girepresentaran sa ilang mga anak. (RSC)