Sagubangon na ni World Boxing Organization (WBO) Oriental super featherweight king Virgel “Valiente” Vitor ang labing una niyang misyon sa gawas sa Pilipinas.
Ang usa sa dekalidad nga mga boksidor sa PMI Boxing sa Bohol makigbatok ni Thai Campee Phayom ning Huwebes, Mayo 25, 2023, sa Bangkok, Thailand alang sa inilugay sa World Boxing Council (WBC) Asian Silver super featherweight belt.
Si Vitor, kinsa adunay 21-2, 13KOs nga rekord, gikan sa makapaukyab nga 2nd round knockout nga kadaugan batok kang Korean Dong Kwan Lee niadtong Disyembre, 2023 sa Calape, Bohol.
Samtang si Phayom, kinsa adunay 23-6, 15KOs nga rekord, lab-as pa gikan sab sa iyang makapaukyab nga 1st round TKO nga kadaugan batok sa kababayang si Akkarachai Kaongam. (ESL)