Isports
Wilder gipatulog si Helenius sa 1st round
Usa ra ka round ang gikinahanglan ni kanhi heavyweight world champion Deontay Wilder aron pahayangon sa canvas si Robert Helenius kagahapon didto sa New York, USA.
Nakabalik sa win column si Wilder human kini gilupig makaduha ni Tyson Fury sa ilang heavyweight championship trilogy.
Gipakita ni Wilder nga daghan pa ang nahabilin sa iyang kusog nga kumo, pinaagi sa straight right hand nga maoy nakapatulog ni Helenius sa nahabiling tres segundos sa first round sa Barclays Center.
Nisaka ang rekord ni Wilder sa 43-2-1, 42KOs, samtang si Helenius nitagak ngadto sa 31-4.
“I set him up,” padayag ni Wilder. “I allowed him to reach and when he reached, I attacked. It was a great fight.” / RSC