Sugdan karong Biyernes, Hulyo 14, 2023, ang 2nd batch sa Yaw-Yan Summer Clinic sa Yaw-Yan Ardigma Gym nga nahiluna sa 4th floor Coast Pacific Downtown Center sa dalan Sanciangko, Cebu City atbang sa University of Cebu (UC) main campus.
Ang programa, nga adunay tema nga "Say to life and say no to drugs", magtudlo og arnis/eskrima, boxing/fitness, mixed martial arts (MMA), Muay Thai, kickboxing ug Yaw-Yan combat self defense.
Alang sa mga interesadong magparehistro, mahimong motawag sa cell number 0992-8111591.
Mogiya sa mga estudyante mao si Yaw-Yan Ardigma founder/CEO Master Benigno "Ekin" Caniga Jr., kinsa gikonsiderar nga "Father of Cebu MMA."
Si Caniga midasig sa tanan hilabi na sa kabatan-unan nga magkat-on og martial arts gumikan sa daghang mga benepisyo niini nga naglakip sa weight loss, muscle gain, cardiovascular health, flexibility, better balance, agility/reflexes, ug stress relief.
Makatabang sab kini alang sa boost confidence/self esteem, increase in focus, memory inprovement, peace/calmness of mind, building character, improving social skills, self defense ug uban pa.
Ang Yaw-Yan usa ka lumad nga Filipino martial arts nga gipaila ni Grand Master Nap Fernandez sa publiko niadtong 1972 sa Sta. Cruz, Manila. (ESL)