Nalangkat ni Carlos Yulo ang floor exercise gold medal sa 15th FIG Artistic Gymnastics World Cup Taishan sa Doha, Qatar.
Si Yulo niiskor og 14.833 aron sa paghari sa iyang paboritong event, nakuha sab ni Minami Kazuki sa Japan ang silver pinaagi sa 14.200 nga score ug ang Briton nga si Luke Whitehouse maoy niangkon sa bronze nga adunay 13.966.
Nakabangon si Yulo human siya napakyas sa gold sa floor exercise sa World Cup series leg sa Cottbus, Germany diin siya igo lang nakaangkon sa bronze medal alang sa parallel bars.
Ang Filipino gymnast nipahiluna sa ikaduha sa qualifications nga adunay 14.500 nga rekord sunod ni Artem Dolgopyat sa Israel, apan niatras sa final. (PAC)