Nakahukom si Israel Prime Minister Benjamin Netanyahu nga temporaryong ihunong ang pakig-engkuwentro sa Israel batok sa Gaza sa tibuok adlawng Domingo, Hulyo 27, matod sa Israeli media outlets.
Sumala sa Kan TV News, usa ka estasyon sa telebisyon nga gipanag-iya sa estado sa Israel, ang desisyon gihimo human nikonsulta si Netanyahu kang Defense Minister Israel Katz, Foreign Minister Gideon Sa'ar, ug uban pang mga senior opisyal, agig tubag sa international pressure bahin sa sitwasyon sa Gaza.
Sa sayo pa sa adlawng Sabado, ang Israel Defense Forces nagkanayon sa usa ka pahayag nga ang paghulog sa humanitarian aid gikan sa kahanginan ngadto sa Gaza ipadayon sa gabii.
Samtang, ang mga Palestinian nga tinubdan ug mga nakasaksi nag-ingon nga ang paghulog sa humanitarian aid gikan sa kahanginan nagpadayon sa lainlaing mga lokasyon sa northern Gaza kaniadtong Sabado sa gabii.
Kini nga kalambuan nahitabo taliwala sa mga pasidaan gikan sa mga humanitarian organization bahin sa nagkagrabe nga kagutom sa Gaza, diin napugngan ang pagkuha sa mga panginahangloanon sa matag adlaw sukad gisirhan sa Israel ang tanang agianan paingon sa strip kaniadtong Marso. / Xinhua