Gumikan kay nakapamulta ($75,000) na sab sa National Basketball Association (NBA) si Memphis Grizzlies star Ja Morant sa iyang aksiyon nga daw mamusil kon makapasulod siya og three-point shot, iyaha na kining giusab.
Imbes daw mamusil, si Morant mura na og nag-ibot og pin unya molabay og granada ug mosap-ong sa iyang dunggan.
Iya kining gipakita atol sa pagkapilde sa Grizzlies batok sa Minnesota Timberwolves, 125-141, sa Biyernes, Abril 11, 2025 (PH time).
"Until somebody else has a problem with it, and I'll find another one," matod ni Morant. / Gikan sa AP