Gipaabot nga magpunsisok na usab ang mga dumadapig sa isig ka habig sa gikahinamang duwa sa basketball sa Jah Bliss Selection batok sa banggiitan nga Opon Bankal Bullstags ni Barangay Kapitan Ondong Pangatungan anha sa bag-ong nahuman nga Bliss Pajac Basketball Gym karong Abril 16, 2024, sa alas 9 sa gabii.
Maglangkob sa mga batan-ong Jah Bliss mao sila si University of Southern Philippines-Foundation (USP-F) shooting guard Sebastian “Baste” Versoza, Adrian “Yanyan” Batiller, Shawn Tan Yu, Nicholas Hiyas, Ben Sulla, Carlo Amimita, Kyle Michael Tingol, Alexis Reganit, Ken Amimita ug ang sniper nga si Kuya Reneboy Tongol.
Sa habig sa Ondong Bullstags mao sila si Northball U21 star Berlie Cayabyab ug Pepong Pino.
Ang maong kalihukan gipasiugdahan ni Pajac Barangay Kapitan Bonifacio “Junjun” Ompad ug mga opisyal sa kapunungan sa Bliss pinangulohan ni Alma Linao ug mga kauban. / PR via JBM