Mobalik na sab og away sa Japan si kanhi world title challenger Filipino Jake Amparo karong Septiyembre 9, 2025, aron kontrahon si Oriental and Pacific Boxing Federation (OPBF) minimumweight king Japanese Takeshi Ishii sa Korakuen Hall sa Tokyo.
Kini maoy ikaupat nga higayon nga moaway sa Land of the Rising Sun si Amparo, kinsa lumad nga taga Tagbilaran City, Bohol.
Sa labing una niyang awat sa Japan niadtong 2023, ang 27 anyos nga si Amparo nirehistro og unanimous decision nga kadaugan batok ni Goki Kobayashi sa ilang inilugay sa World Boxing Organization (WBO) Asia-Pacific minimumweight strap.
Sa ikaduha niyang away sa Japan sa niaging tuig, nanuktok si Amparo alang sa world title apan nasugamak siya 2nd round knockout nga kapildihan batok ni International Boxing Federation (IBF) minimumweight titleholder Ginjiro Shigeoka.
Sa ikatulo niyang away sa Japan, nasugamak si Amparo sa unanimous decision nga kapildihan batok ni Takero Kitano ning kasamtangang tuig.
Si Amparo naggunit og 16-7-1, 4KOs nga rekord samtang si Ishii, kinsa No. 4 sa World Boxing Association (WBA) ug No. 9 sa IBF ug World Boxing Council (WBC), adunay 10-1, 8KOs nga baraha. / EKA, ESL