Napili si LeBron James nga maoy lalaki nga flag bearer sa Team USA sa opening ceremony sa Paris Olympics karong Hulyo 26, 2024.
Si James, 39, kinsa four-time National Basketball Association (NBA) champion ug two-time Olympic gold medalist, manugkombati sa iyang ikaupat nga Olympics.
“It’s an incredible honor to represent the United States on this global stage, especially in a moment that can bring the whole world together,” matod ni James.
Ang NBA all-time scoring champion ug ang iyang kaubang babaye nga flag bearer napili pinaagi sa boto sa tanang mga atleta sa Team USA. / AP