Pabilin ang kalidad nga tingog sa World Champion nga si Jed Madela atol sa fundraising concert niini sa Sugbo niadtong Martes, Agusto 5, 2025.
Si Jed nikanta sa iyang sikat nga mga awit atol sa “Heart and Soul” concert sa Waterfront Hotel and Casino sa Lahug, Dakbayan sa Sugbo.
Dalit sa Saint Padre Pio Home for the Relief of Suffering - Philippine Foundation Inc., ang maong fundraising concert alang sa Santuario di Padre Pio.
Lakip sa niawit atubangan sa mga Sugboanon ang singer nga sila sil Bituin Escalante, ug Bisaya singer nga si JM Dela Cerna, ug ang lumad sa Sugbo nga si Marielle Montellano.
Anaa’y mga kanta si Jed nga wala gikanta susama sa trending sa TikTok nga “Forevermore.”
Apan nalingaw kaayo ang nanan-aw dihang niawit siya sa classic susama sa “Carpenters Medley” niini.
Gawas sa OPM songs, niawit siya og mga sikat nga kanta kaniadto ug klaro pa kaayo ang kalidad sa tingog niini nga makabirit pa bisan pa man og kapin sa 20 ka tuig na kini sa industriya.
Tungod kay kalihukan kini sa simbahan, present sab si outgoing Cebu Archbishop Jose Palma, Cebu Auxiliary Bishop-Emeritus Antonio Rañola, ug mga supporter sa simbahang Katoliko sa nagkadaiyang parokya.
“The concert aims to gather resources to complete the construction of a sacred space dedicated to promoting the spirituality and teachings of St. Padre Pio Pietrelcina.
“The proposed sanctuary will include the Capella della Madonna delle Grazie (Chapel of Our Lady of Grace), a 3,000-seat arena with colonnade, a 100-foot statue of St. Padre Pio featuring La Capella della Replica with his first-class relic and life-sized replica from San Giovanni Rotondo, a main hall for conventions and spiritual formation, and a retreat house,” sa post sa Facebook sa Archdiocese of Cebu.
Mapasalamaton sab ang Santuario di Padre Pio - Cebu sa tanang mga nidonar ug nisuporta sa ilang kawsa, “To all our benefactors, sponsors, production team, and attendees—thank you so much for making the Heart and Soul Concert a success!
“Your generosity, time, and presence made the evening truly meaningful. May your support for the Santuario di Padre Pio - Cebu project shine as bright as your hearts,” sa ilang opisyal nga Facebook page. / HBL