Jewelry, cellphone stores gilungkab:P4.6M nawala

Jewelry, cellphone stores gilungkab:P4.6M nawala
NABUNGKAG: Makita ang gibuho sa likod sa retail mall diin nahimutang retail and jewelry store sa dakbayan sa Danao diin miagi ang mga kawatan ug makita nga nagkatag ang mga baligya sa sulod niini./ TAMPO
Jewelry, cellphone stores gilungkab:P4.6M nawala
NABUNGKAG: Makita ang gibuho sa likod sa retail mall diin nahimutang retail and jewelry store sa dakbayan sa Danao diin miagi ang mga kawatan ug makita nga nagkatag ang mga baligya sa sulod niini./ TAMPO

Gilungkab ang sanga sa dakong retail and wholesale store sa Dakbayan sa Danao ug nawad-an og balor og P4.6 milyunes nga baligya ug cash.

Usa ka jewelry stall nawad-an og dili mominos P4.5 milyunes nga balor sa mga alahas ug salapi samtang mobalor usab og P170,000 ang tindahan sa cellphone.

Apan ang alarma nadawat sa Danao City Police Station sa pagka alas 7:15 na sa buntag, Huwebes, Hunyo 20, 2024, human gi-report sa guwardiya ang pagpanglungkab.

Sa imbestigasyon sa kapulisan sa Danao City police, nasuta nga ang mga kawatan nibangag sa sementado nga bungbong sa luyo sa edipisyo.

Sa dihang nakasulod na, gipangkuha sa mga kawatan ang mga alahas sa Moniqe Jewelries nga gipanag-iya ni alyas ‘Rona’, 31, lakip na ang cellphones, kwarta ug uban pang mahalong mga butang.

Gibana-bana sa management nga moabot ngadto sa P4.5 milyunes ang balor sa mga alahas ug kwarta ang nakuha sa mga tulisan.

Laing tenant nga mao ang JM Tech Cellphones nawagtangan og P170,000 nga balor sa cellphone accessories.

Nakakuha og forensic evidence ang mga sakop sa PNP Scene of the Crime Operation (Soco) sa sulod sa tindahan.

Matod ni Police Lieutenant Col. Ike Arriola, hepe sa Danao City Police Station, nga nagpadayon pa ang ilang imbestigasyon ug manhunt batok sa mga kawatan.

Sa nakita nila sa CCTV footage sa sulod sa tindahan, tulo ang mga kawatan nga naka-bonnet.

“Pagsulod nila yano ra kaayo. Diretso dayon asa ilang tuyo.So, suhito na daan sila asa mopadu’ng sa pagpanguha,” dugang ni Ariola.

Apan wala nila isalikway nga tulo ngadto sa upat ang mga kawatan.

Narekuber sab nila ang mga gipangsul-ob nga sapot sa mga tulisan sa dapit.

Sa pagkakaron dili pa sila makasulti kon lokal o professional ang mga kawatan sanglit nagpadayon ang ilang imbestigasyon. / GPL, AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph