Moaway og balik sa Japan si Cebuano prospect John Kevien Jimenez (9-2, 4KOs) aron kontrahon ang wala’y pildeng si Ryusei Matsumoto (5-0, 3KOs) sa usa ka 10-rounder bout karong Hunyo 7, 2025, sa Korakuen Hall sa Tokyo.
Sa labing unang away ni Jimenez, nasugamak siya sikit nga unanimous decision nga kapildihan batok ni Takeshi Ishii sa ilang Oriental and Pacific Boxing Federation (OPBF) minimumweight title fight niadtong Septiyembre 25, 2024.
Human niini, nasugamak si Jimenez sa 2nd round knockout nga kapildihan batok ni Joseph Sumabong sa ilang World Boxing Organization (WBO) Asia-Pacific Youth minimumweight title contest niadtong Disyembre 17, 2024, sa Naga City, Cebu.
Nibawi si Jimenez gikan ning duha ka sunodsunod nga kapildihan pinaagi sa pagrehistro og 2nd round TKO nga kadaugan batok ni Indonesian Faisol Akbar niadtong Abril 9, 2025, sa Bogo City, Cebu. / EKA, ESL