JO sa Bais nasikop sa ronda sa PDEA 7

JO sa Bais nasikop sa ronda sa PDEA 7
MGA EBI­DENSYA: Giimbentaryo sa mga sakop sa Philippine Drug Enforcement Agency (PDEA) ug Regional Intelligence Unit (RIU 7) ang mga ebidensya nga drugas ug uban pa sa drug den sa Brgy. II, Dakbayan sa Bais. / TAMPO SA PDEA 7

Gironda sa mga sakop sa Philippine Drug Enforcement Agency Negros Oriental Provincial Office uban sa mga operatiba sa Regional Intelligence Unit 7 ang usa ka drug den nga gipadagan sa usa ka job order nga empleyado sa city hall sa Dakbayan sa Bais, Negros Oriental, alas 12:56 sa Biyernes sa hapon, Hunyo 14, 2024.

Ang operation niresulta sa pagkasikop sa drug den maintainer ug laing duha nga naabtan sa sulod nga nanu­yop sa ilegal nga drugas.

Ang nadakpan giila nga si Jefferson Intan, 55, job-order watchman sa Bais City Hall nga mao usab ang target sa buy-bust sa PDEA 7 ug RIU 7.

Lakip sa nadakpan sila si Rechris Beloro, 24, ug Reymond Gomez, 29, pulos taga Barangay II, sa mao nga dakbayan.

Nasakmit gikan sa mga suspek ang upat ka mga pakete sa shabu nga motimbang og 6 gramos nga dunay estimated average market value nga P40,800 ug mga drug paraphernalia.

Matod ni Leia Alcantara, information officer sa PDEA 7, nga tulo ka mga semana nila gipaubos sa case buildup ang drug den human sila nakakuha og impormasyon gikan sa usa ka concerned citizen.

Sa monitoring, makabaligya si Intan og 25 gramos ma­tag semana sa iyang mga kustomer. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph