JO sa Brgy. Mambaling ‘nag-sideline’ og drugas

Mapa sa Barangay Mambaling, Dakbayan sa Sugbo.
Mapa sa Barangay Mambaling, Dakbayan sa Sugbo. (Google Maps)

Usa ka job order (JO) emplo­yee sa Barangay Mamba­ling, dakbayan sa Sugbo nadakpan sa buy-bust sa mga sakop sa Philippine Drug Enforcement Agency 7 uban sa Philippine National Police Regional Intelligence Unit.

Ang operasyon gipahigayon sa Vestil Street, Barangay Mambaling, alas 6:06 sa Lunes sa gabii, Marso 4, 2024.

Ang suspek giila nga si Jason Tahir, 38, residente sa maong lugar.

Nakuha gikan sa posisyon sa suspek ang unom ka mga pakete nga adunay sulod nga gituohang shabu nga may gibug-aton nga 5 gramos nga dunay estimated average market value nga P34,000.

Matod ni Leia Alcantara, information officer sa PDEA7, nga nakadawat sila’g impormasyon labot sa pagpamaligya ni Tahir sa ilegal nga drugas gikan sa kasaligang tinubdan nga tungod niini ila dayon nga gipaubos sa tulo ka buwan nga case build up.

Nadakpan na siya niadtong 2022 tungod gihapon sa ilegal nga drugas ug under probation apan sa monitoring sa PDEA 7 nibalik kini sa iyang naandan nga negusyong ilegal.

Giingong makabaligya si Tahir og 100 ngadto sa 150 gramos nga shabu matag semana sa Mambaling ug kasikbit nga mga barangay sa dakbayan sa Sugbo. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph