Jokic mitatsa sa historic day ni Durant

Jokic
JokicFile Photo

Ang bigman nga si Nikola Jokic nikulit og impresibo nga double-double 21 puntos ug 16 ka assists aron pangulohan ang Denver Nuggets batok sa Phoenix Suns, 119-111, sa NBA regular season game sa Phoenix, Arizona sa Sabado, Disyembre 2, 2023 (RP time).

Nitunol og 20 puntos si Reggie Jackson aron makapalusot og daog ang Nuggets sa balwarte sa Suns.

Naglabaw og 17 puntos ang Nuggets sa first half apan gipapas kini sa Suns ug napasikit ang duwa, 94-91, sa pagsugod sa fourth quarter.

Nakatabla pa sa tulo ka mga higayon ang Phoenix sa fourth quarter, apan sila si Jokic ug Michael Porter Jr. maoy tigpatay sa sunog sa defending champion Nuggets gamit ang crucial baskets.

Gibaraw sa Nuggets ang se­lebrasyon ni Suns All-Star Kevin Durant nga misaka ngadto sa 10th place sa NBA’s career scoring list.

Si Durant nga mitapos sa du­wa nga adunay 30 puntos, na­kaapas kang Moses Ma­lone (27,441) career points sa No. 10 scoring list human ang baseline drive sa second quarter.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph