Jokic nangulo sa 3 ka MVP candidates
Basketball (File Photo)

Jokic nangulo sa 3 ka MVP candidates

Gibutyag na sa National Basketball Association (NBA) ang tulo ka mga kandidato alang sa inilugay sa 2023-24 MVP award ug dili ikasurpresa, apil ang two-time MVP nga si Denver Nuggets All-Star center Nikola Jokic.

Ang kompetensya ni Jokic sa pagsakmit sa Michael Jordan trophy mao sila si Luka Doncic sa Dallas Mavericks ug Shai Gilgeous-Alexander sa Oklahoma City Thunder.

Ang kasamtangang MVP nga si Philadelphia 76ers big man Joel Embiid wala naapil sa listahan tungod nakapalta kini og daghang mga duwa nga lapas na sa gi-limit sa usa ka magduduwa aron mahimong kandidato alang sa labing taas nga individual award.

Kon modaug si Jokic, mahimo siyang ikasiyam nga magdudu­wa nga makadaog sa MVP award sulod sa tulo ka mga higa­yon o labaw pa. Ang unang mga nakahimo niini mao sila si Kareem Abdul-Jabbar (6), Michael Jordan (5), Bill Russell (5), Wilt Chamberlain (4), LeBron James (4), Moses Malone (3), Larry Bird (3) ug Magic Johnson (3).

Kon sila si Doncic ug Gil­geous-Alexander ang modaug, mao kini ang ilang labing unang MVP award. / AP

Related Stories

No stories found.
SunStar Publishing Inc.
www.sunstar.com.ph