MAGPABILIN ang tanan nga mga Job order employees lakip ang mga department heads sulod sa tulo ka buwan bisan pa sa paglingkod sa bag-ong administrasyon ni Cebu Governor Pamela Baricuatro sa Kapitolyo sa Hunyo 30, 2025.
Kini maoy gipahibalo ni Baricuatro atol sa pakighinabi sa mga tigbalita.
Matod ni Baricuatro nga ipaubos una niya sa pagsusi ang tanang mga empleyado aron masiguro ang nahimong performance niini subay sa ilang pagserbisyo.
Sa nasayran, adunay kapin 600 ka job orders nga naghuwat sa dangatan sa ilang kapalaran sa bag-ong administrasyon.
“We will be reviewing it, it needs to be reviewed pa. For three months wala pa tay changes kay this is under review pa,” matod Bari-cuatro.
Si Baricuatro kinsa perso-nal nga nisusi sa tanang mga opisina sa Kapitolyo atol sa unang adlaw niini, nakighimamat sa mga department head ug ang mga empleyado. / ANV