Lain na sab nga milestone ang nakab-ot sa JPowers Artist Center nga gisugdan ug gipalambo ni James Davidon sukad niadtong tuig 2017.
Sulod sa mga katuigan naka-produce na og pipila ka mga confident talent, nilampos sa ilang mga tinguha ug naghatag og inspirasyon ngadto sa uban.
Niadtong Mayo 1, 2025, gisaulog ang ikawalo nga anibersaryo sa JPowers diin mapasalamaton si Davidon sa garbo sa mga kalampusan nga ilang naabot ilabi na sa natad sa modeling, performing arts, ug personal development.
“Excellence at JPOWERS is not just about winning titles or gaining recognition. It is about pushing oneself to be better every single day. It is about the courage to face challenges head-on, the humility to keep learning, and the perseverance to never give up. It is about creating a culture where every person is seen, valued, and given the tools to succeed,” tipik sa pamahayag ni Davidon.
Atol sa maong kasaulogan usa ka fashion show recital ang gipahigayon sa mga talent nga naglangkob sa Season 8 Batch 13 nga gilingaw sa mga performance nila ni Gelli Cenabre Limpag - Tawag ng Tanghalan & WCOPA qualifier, Yesica Yen Manco - Top 5 Sinulog Idol Season 16 ug Tata Pordelliza - Tawag ng Tanghalan & Youtube Singing Sensation. /FVQ