Tulo ka mga lugar ang giila nga judging stations sa street dancing competition sa Sinulog sa Lalawigan karong Dominggo, Enero 14, 2024.
Kini nahimutang sa eskina sa dan Don Jose Avila, duol sa usa ka coffee shop, Fuente Osmeña Circle ug duol sa inila nga four-star hotel sa Osmeña Blvd.
Si Cebu Governor Gwendolyn Garcia daan na nga nimando sa tagdumala sa Cebu-Bus Rapid Transit (CBRT) nga hawanan ug temporaryong hunungon ang trabaho sa maong adlaw aron malikayan ang disgrasya.
Ang contingents sa street dancing competition:
1. Tribu Aggaanon
2. Tribu Katunggan Tudelanon
3. City of Lapu-Lapu
4. City of Mandaue
5. Tribu Porohanon
6. Trunu Maamumahon sa Barili
7. Tribu Dagitabnon sa Naga
8. Trubi Tuburanon
9. Tribu Talisaynon
10. Tribu Canamucan sa Samboan
11. Tribu Manug-Bobo sa Madridejos
12. City of Carcar
13. Tribu Kagasangan sa Moalboal
14. Tribu Masadyaon sa Toledo
15. Tribu Malipayon sa Consolacion
16. Municipality of Carmen
Gikatakda usab ang pag-perform sa Tribu Lumad Basakanon sa Barangay Basak San Nicolas, dakbayan sa Sugbo ug Kabanhawan Festival sa Lungsod sa Minglanilla.