Kabaw nahug sa atabay

NAHUOT: Kini ang kabaw nga nahulog ug nahuot sa atabay sa Barangay Cantolaroy, lungsod sa Sibonga, alas 11:00 sa buntag sa Huwebes, Pebrero 22, 2023. / Hulagway gikans a Fb post ni Marilou Villamor Bermejo
NAHUOT: Kini ang kabaw nga nahulog ug nahuot sa atabay sa Barangay Cantolaroy, lungsod sa Sibonga, alas 11:00 sa buntag sa Huwebes, Pebrero 22, 2023. / Hulagway gikans a Fb post ni Marilou Villamor Bermejo

Usa ka kabaw ang nahulog sa atabay sa Barangay Cantolaroy,usa ka bukirang da­pit sa lungsod sa Sibonga, alas 11:00 sa buntag sa Huwebes, Pebrero 22, 2023.

Kini ang gibutyag ni Ma­ri­lou Villamor Bermejo, ham­tong, lumolupyo sa na­asoy nga dapit, nga nahinabi sa Superbalita Cebu.

Matod ni Bermejo, ang ka­baw gigamit sa pagdaro sa umahan sa tag-iya nga mag-­uuma nga si Diolito Bertoldo, 50, minyo, lumolupyo usab sa maong dapit.

Niadtong higayuna, may nagputol sa punoan sa lubi ug sa pagkatumba niini, kusog ang pagkahagsa sa yuta.

Nakuratan ang kabaw nga nikaratil og dagan hinungdan nga nahu’g sa atabay.

Ang mga silingan nagtinabangay og luwas sa kabaw pinaagi sa pagkawot aron pagpapadako sa buho sa atabay aron mas sayon ang pagbira sa kabaw.

Matod pa, ala 1 na sa hapon hingpit nahaw-as ang kabaw gikan sa atabay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph