Kalabera ipa-DNA test

SunStar Local News
SunStar Local News

Ipa-ubos sa deoxyribonucleic acid (DNA) testing ang kalabera nga gituohan nga iya sa na-missing nga si Marie Mae Oyangoren, 32, aron makompirmar kon iya ba kini pinaagi sa pagtandi ngadto sa iyang pamilya.

Gusto nga kompirmahon sa sa kapulisan nga ang mga bukog nga nakaplagan uban sa iyang mga butang iyaha ba.

Ang napalgang kalabera gihaya sa balay sa mga ginikanan ni Oyangoren sa Sityo Malalag, Brgy. Talaga, Argao.

Nitumaw ang pagduda sa pa­mil­ya sa biktima nga gipatay ra siya sa giingon nga iyang gikalambigit nga usa ka security guard.

Ang bana ni Marie Mae nga si Richard Oyangoren, 41, diin aduna silay duha ka mga anak, nibutyag sa Superbalita Cebu nga sa wa pa ma-missing ang iyang misis, iya kining namatikdan nga adunay gika-chat ug gikaistorya sa cellphone panahon sa kagabhion.

Nagduda si Richard nga adunay gikabuangan ang iyang asawa hinungdan nga iyang gipasidan-an nga: “Pagtarong sa imong pagka asawa ha kay may duha ta ka mga anak. Kinsa man nang imoha nga gisige’g chat ug gikaisturya panahon sa kagabhion?”hinumdom sa bana sa iyang gisulti ngadto sa iyang misis.

Matod pa wa nitubag ang iyang asawa. Gituohan nga tungod kay nakamatikod na ang iyang banay, hinungdan nga buot nang makigbuwag ni Marie Mae sa giingong sikyo. Apan giingon nga nibahad ang sikyo nga adunay dautan nga mahitabo sa biktima ingon man sa iyang pamilya kon iya kini nga buhaton.

Si Marie Mae wa na makauli sa ilaha sukad niadtong Mayo 11, 2024 sa udto gikan sa iyang trabaho sa Sityo Ticoy, Brgy. Bogo, Argao. Samtang ang mga bukog napalgan niadtong buntag sa Mayo 27, 2024 sa bungtod sa Brgy. Casay, Argao sa usa ka lalaki nga nanguha og lawog sa kanding.

Ang kapulisan sa Argao ug Scene of the Crime Operation (Soco)nakahipos og sakuban sa pusil, temporary identification (ID) ug sandal sa biktima, sling bag nga adunay mga personal belonging ni Oyangoren. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph