OPISYAL na nga nagsugod sa Hunyo 30, 2025, alang sa Dakbayan sa Lapu-Lapu ang pagpangalagad ni Mayor-elect Ma. Cynthia “Cindi” King-Chan ug ang iyang bana, ang Congressman-elect nga si Junard “Ahong” Chan.
Nitambong sila sa regular nga seremonyas sa pag-isa sa bandera sa City Hall grounds nga nagtimaan sa ilang pormal nga pagsugod sa ilang bag-ong mga katungdanan.
Sa usa ka emosyonal nga pakigpulong atubangan sa katawhan ang giluwatan ni Cynthia, ang iyang dakong pasalamat sa mga taga-Lapu-Lapu.
“Karong adlawa, official na nga mahuman ang akong tulo ka tuig nga pagserbisyo isip inyong kongresista, ug kinasingkasing nakong pagdawat sa responsibilidad isip inyong mayor,” matod
niya nga naghatag og gibug-aton sa iyang pasalig sa pagpada-yon sa “Serbisyong Chan.”
Samtang, gipadayag sab ni Congressman-elect Ahong ang iyang kinasingkasing pasalamat ngadto sa iyang mga opisyal ug sa katawhan sa ilang suporta sa tibuok niyang termino isip Mayor gikan sa 2019 hangtod sa 2025.
Sa pagtungtong niya sa iyang bag-ong katungdanan, nisaad siya nga sulbaron ang mga problema sa siyudad sama sa trapiko ug pagbaha, ug mangita og tabang gikan sa mga nagkalainlaing nga opisina sa gobyerno.
“Laumi ninyo tanan, ang akong pagabuhaton para sa kaayuhan, para sa kalambuan, para sa pinalanggang dakbayan,” pagpaniguro ni Chan. / Antonette Caren Arrabis, CNU Intern, Yvon Maratas, Benedicto College Intern, Dane Rachiel Oja, VSU Intern