FAMILA N. JIMENEZ
Lindogon, Sibonga, Cebu
Nag-awas ang paglaom
sulod ning akong dughan
dihang kalit mong gigunitan
ang akong mga kamot
dayon gilitok mo ang mga
pulong nga dugay ko nang
gipaabot, “gihigugma ko ikaw!”
Gipiyong ko akong mga mata
aron sugaton ang imong halok
nga kaniadto ko pa gipangandoy,
apan halok sa ka haw-ang
ang akong natagamtaman.
Gibuka ko akong mga mata
ug nahigmata ko sa sakit
nga kamatuoran gikan sa lalom
nga pagkahinanok,
Ang tanan bunga lang diay
sa katulugon.