FAMILA N. JIMENEZ
Lindogon, Sibonga, Cebu
Dungan natong
gipukas
ang naglugitom nga wanang
sa kahitas-an aron
iphon ang nagkatag
nga kasingkasing
sa mga
bituon
ug panid-an
ang ilang yinagubyob.
Samtang nagkalalom
ang pagkahinanok
sa kagabhion
wala nato namatikdi
ang pagsubang
sa takdol nga buwan.
Bisan giiwagan na
kita sa
halapad
nga dan-ag, di
gihapon nato masugkad
ang kangitngit
sa atong mga kalag.