USA ka malamatong pahiyom
ang gidalit mo kanako dihang
miabot kang madanihon didto
sa maanindot nga Paraiso
sa akong handurawan.
Didto sa Paraiso nagmaya
ang nagkadaiyang matahom
nga mga bulak nga nangalimyon
sa kahumot sama kahumot sa agwa
nga gidihog sa lawas sa matahom
nga prinsesa nga gihalaran
sa daghang mga prinsipe.
Sa Paraiso akong natagamtaman
ang tiunay mong gugma ug pagmahal
nga matag karon ug unya motukbil
ug mopukaw sa nahikatulog
kong kasingkasing.