JEFFERSON G. DEL ROSARIO
Danao City, Cebu
(Sa akong amigo:)
Lantawa ang mga bituon sa langit,
Paminawa ang ilang isugyot
Sama sa naminaw ka sa mga
Dayandayan nga nagkidlap-kidlap
Sa kahilom sa lawom nga kagabhion.
Nadungog ba nimo? Kon wala,
Duol ngari kanako ug suwayig dat-ol
Ang imong dunggan diri sa akong
Dughan aron imong mahibaw-an
Nga sama sa mga bituon, sama sa
Mga dayandayan kini ania ra gihapon
Bisan og gialirungan ka
Sa bagang kadulom.
(Imong amigo: Jopay.)