ARIANNE JOYCE BENTAZAL ROMAGUERA
El Pardo, Boljoon, Cebu
Samtang kami
nagbaktas
pauli sa balay
Sa karsada kami
nagkataw-anay
Kay lagi mga pulong sa tagsa-tagsa ka dughan
Dili gayod mahimong mahikalimtan.
Sa kilid sa poste may nasangit sa
akong lakang.
Sa dihang ako
mitikang
usa ka
gamayng iring
Nga sa akong
mga mata nahitandang.
Apan bisan pa
sa iyang pagka gamay
Giduko ko ang
akong ulo ug maluluy-ong
Mipunit kaniya.
Gisalikway ba
siya o
nahibulag?
Kon ikaw ang tag-iya
angay ka
magpakita
Kay andam nga
mobuhi akong
mga kamot
Alang sa inyong
panag-abot.
Apan kon wala gayoy nanag-iya,
Ako andam akong
motipig
kaniya.
Ug sa paglabay
unya sa
katuigan
Siya magpabiling
maghulat
kanimo
Diri sa akong kiliran.