KAHADLUKI ayaw ang kangitngit
Nga mosaghid sa imong Pasko
Kay kasagaran moabot kana inigpatim-aw
Sa gitakda nga kagabhion nga maaninaw
Bisan manago sa mga badlis sa imong palad.
Sa kadasig pagmugnag parol nga simpol
Kanang pula gama sa kawayan sa papel de japon
Hampuli sa gamhanang pulong sa pangaliya
Hunghongi sa bugtong mong damgo
Inigkahuman ipahimutang ang butanganag suga
Idayan-dayan kini sa tunga sa bentana
Padayon sug-i aron mokuyanap ang kahayag
Sa kaamgo nga kini manakod sa kapulihay
Sa mga madulom suok sa imong kasingkasing.